Stirnir sjö ára

Stirnir varð sjö ára 27. mars og á sunnudaginn héldum við veislu fyrir hann. Stirnir var svo spenntur að hann ákvað að fara snemma í rúmið á laugardagskvöldinu, svo hann þyrfti ekki að bíða lengi. Veðurspáin sagði að það væru líkur á rigningu sem hentar ekki vel fyrir hoppukastala en þegar til kom sýndi sólin sig um það leyti sem afmælið hófst .

Vinir og bekkjarfélagar streymdu inn um hliðið okkar, allir í hátíðarskapi og hoppukastalinn, geimskip að þessu sinni, valinn af afmælisbarninu vakti mikla lukku. Börnin hoppuðu og hoppuðu, alsæl. Alp frá Tyrklandi og Conor frá Ameríku bestu vinir Stirnis og bekkjarfélagar mættu báðir. Ég heyrði Conor spyrja Stirni við veisluborðið hver væri besti vinur hans. Stirnir svaraði á dipómatískum nótum að bæði Conor og Alp væru bestu vinir hans og Conor virtist mjög sáttur við það svar.

Við sungum afmælissönginn á fjórum tungumálum, ensku, íslensku, sænsku og kínversku. Söngurinn stóð svo lengi að kveikurinn á kertinu brann út. Stirnir fékk svo að opna pakka undir lok afmælisins og fékk flott legó, skemmtileg spil og allskonar flott dót. Við erum búin að spila Clue, Monopoly kínversku útgáfuna og Life. Síðastnefnda spilið vann afmælisbarnið með yfirburðum, Kjartan eignaðist barnaómegð og þurfti að borga fyrir þau öll skólagjöld og Hugi var skemmtikraftur með lág laun.

´

Lí skreytir hliðið

Hoppukastalinn, geimskip

Afmælisbarnið á fullri ferð

Hugi hoppaði í þrjá klukkutíma

Philip nágranni glaður

Kerstin og Fredrik nágrannar, Niclas, pabbi Alps, Myckel, Inga systir Elsu og Hansína mamma Elsu

 

Þarna sést í Conor og Alp

Hugi með hárið

Húsfrúin og mamma Ronnies

Eyja og Stirnir

Kate mamma Conors, Niclas og Fredrik

Eyja ánægð á kantinum

Sungið fyrir afmælisbarnið

Alva bekkjarsystir og Karolina nágranni

Alva

Það var tekin ákvörðun um það í byrjun vikunnar að hafa tvo sjónvarps og tölvuleikjalausa daga í viku, þriðjudag og fimmtudag. Það þýðir ekkert annað en að hafa samræmdar aðgerðir í lengjunni. Stirnir og Philip eru mikið fyrir tölvuleik og Hugi elskar sjónvarpið. Í gær var fyrsti dagurinn í bindindi og strákarnir léku sér úti og inni án þess að kvarta. Þeir fengu þá hugmynd að fara í samkeppni við sjoppueigandann í hverfinu okkar og selja dót. Þeir stilltu upp bás við sjoppuna en það gekk ekkert að selja, þeir settu upp of hátt verð.

Beðið eftir viðskiptavinum

Sjoppueigandinn segir Huga að það sé of dýrt að selja eitt spil á eitt RMB

Eldri borgarar

Hér gerðust tíðindi áðan því Eyja tók fyrsta skrefið. Hún er orðin nokkuð góð í að standa ein úti á gólfi en hefur alltaf farið niður á skriðið til færa sig úr stað. Í dag mjakaði hún fætinum áfram á sinn varkára hátt og uppskar mikið lófaklapp frá viðstöddum. Náðist því miður ekki á mynd…

Dalla