Wednesday, January 28, 2009

Ár uxans

Nú er ár uxans gengið í garð með tilheyrandi sprengingum sem náðu hámarki á miðnætti á sunnudagskvöld. Hugi segir að kínverska nýárið sé sitt uppáhalds frí, þá sé  hægt að sprengja. Við keyptum eitthvað smáræði og Mattias og Elin nágrannar okkur líka en krakkarnir í hverfinu eru búin að vera að sprengja í marga daga. Stirnir fékk einn kínverja í hettuna hjá sér sem sprakk þar og skildi eftir sig brunagat, bræðurnir og Boggi og Örn sem voru viðstaddir þegar þetta gerðist sóru af sér alla ábyrgð. Fyrir utan hliðið okkar er gamall sófi sem einhver setti þar út í síðustu viku og í sprengiæðinu sem rann á krakkana hoppuðu þau í honum og vildu brenna hann. Sófinn er þarna enn en pullurnar eru horfnar úr honum, kannski voru þær brenndar.

Janúar hefur annars verið rólegur, skólinn var bara í tvær vikur og svo var aftur komið frí. Í síðustu viku komst Stirnir í hóp verðlaunahafa í lestrarástundun og frú Wiser kennarinn hans hélt hádegispartí fyrir lestrarhestana. Ég og tyrknesk mamma sáum um veitingar og börnin borðuðu vel og skemmtu sér í leikjum. Kjartan fór svo í heimsókn í Stirnisbekk í vikunni og las fyrir börnin.

Bræðurnir byrjuðu aftur í kúngfú eftir langt hlé og fóru í prufutíma í jiujitsu.

Eyja æfir sig í að standa upp og ganga með. Hún er búin að læra að fara upp stigann og um helgina var hún sett í æfingabúðir heima hjá Láru þar sem Hugi og Boggi fylgdu henni upp á þriðju hæð. Þeir voru svo hrifnir af afrekinu hjá henni og vildu láta skrá það í heimsmetabókina.

Hér er sería þar sem Eyja gekk með stól þvert yfir stofuna:

IMG_12592009 jan 1

Einn fíll lagði af stað í leiðangur...

IMG_12642009 jan 1

Skemmtilegt að fá svona athygli

IMG_12802009jan1

komin nokkuð langt, þarna stöðvaðist stóllinn á mottunni

IMG_12892009 jan 1

skiptir yfir á næsta stól

IMG_12902009 jan 1

og fer ofurvarlega niður á gólf

IMG_12922009 jan 1

Þá tekur skriðið við

IMG_12942009 jan 1

og púsl verður á vegi hennar

IMG_12982009 jan 1

og loks meira dót

Um helgina var okkur boðið í þorramat til Láru og Badda og dætra sem voru nýkomin frá Íslandi eftir jólafrí. Það var huggulegt að venju hjá þeim og stór hluti íslenskra barna í Sjanghæ var á staðnum.

IMG_18102009 jan 1_1

Efri röð: Edda, Örn, Ævar, Hugi með Eyju

Neðri röð: Lív með Ými, Björk, Stirnir og Boggi með Ástu

IMG_18252009 jan 1

Hekla og Ásta

IMG_18482009 jan 1

Ásta fædd 6. desember

IMG_18642009 jan 1

Eyja

IMG_18722009 jan 1

Lív og Edda spjalla við Eyju

IMG_18822009 jan 1

Björk fékk að mata Eyju

IMG_18942009 jan 1

Björk, þriggja ára síðan í desember

IMG_19062009 jan 1_1

Árni og Magnús

IMG_19572009 jan 1

Baddi með Björk

Við erum búin að vera heima í fríinu okkar, kannski kominn tími til. Veðrið hefur verið gott svo það er yndislegt að fara í göngutúra í sólskininu. Stemningin á götum úti er afslöppuð, margir í fríi og margar verslanir eru lokaðar og umferðin er miklu minni en venjulega.

Xin nian kuai le, gleðilegt ár, Dalla

1 comment:

Anonymous said...

Bonjour les Chinois!
J'apprécie toujours beaucoup de lire ton Blog,Dalla. D'autant plus qu'il est abondamment et joliment illustré de photos. La petite a l'air en pleine forme et ne tardera sans doute pas à lâcher sa chaise... alors, attention aux escaliers!
Ici, ça va toujours bien pour nous, mais pas pour une grande partie de la population: 7% de chômeurs, 18,6% d'inflation, 25% d'augmentation des prix etc...
Par ailleurs, très beau temps aujourd'hui vendredi (et hier aussi): soleil éclatant sur la neige, et pas de vent: un vrai conte de Noel!
Grosses bises à tous, petits et grands.
Amma Catherine