Á morgnana vöknum við mæðgin og Eyja fyrir klukkan sjö, strákarnir borða morgunmat, klæða sig og bursta tennur áður en þeir skella töskunum á bakið og labba út í skólabíl klukkan hálfátta. Kjartan hefur lagast af þotuþreytunni og sefur. Eyja fylgir með út í skólabíl og brosir til vegfarenda. Það safnast oft að okkur fólk sem vill kjá framan í hana og þreifa á henni sem mér er nú ekki vel við.
Nágrannar mínir Elin og Mattias og Fredrik fylgja sínum börnum út í bílinn og Mattias segist ekki geta farið í vinnuna fyrr en hann sé búinn að fá morgunbrosið frá Eyju. Þau eru allajafna með kaffibolla í höndunum og svo spjöllum við aðeins þegar bíllinn er farinn með krakkana. Stundum tekur það tíma fyrir börnin að raða sér niður í sæti og einstaka sinnum er grátið vegna sætadeilna. Ég sé samt mikinn mun síðan í fyrra þegar deilur voru daglegt brauð.
Við Eyja tökum það svo rólega fram eftir morgni, hún fær sér stuttan lúr og svo förum við oft í göngutúr í hverfinu okkar.
Stirnir er í bekk með nýjum félögum, það fylgdi honum enginn úr gamla bekknum. Hann var eitthvað lítill í sér í byrjun síðustu viku og vildi ekki fara í kínversku og grét. Kennarinn leyfði honum að sitja kínverskuna af sér. Hún segir að hann sé fyrirmyndarnemandi og sé með þeim bestu í lestri í bekknum. Hann er bara svolítið feiminn og það tekur hann tíma að ná sambandi við krakkana sem mörg þekktust áður.
Hugi er alsæll í bekk með Hadley. Kennarinn er víst mjög strangur með hvað börnin mega taka með sér í nesti, það má ekki vera neitt sætt. Hugi elskar nefnilega jógúrtdrykk sem heitir Yakult og svipar til LGG, gert úr japönskum svepp. Nú er Yakult komið á bannlista í nestistíma.
Við erum að finna út úr því hvað bræðurnir vilja gera eftir skóla í vetur. Hugi ætlar að byrja í gítarnámi á föstudaginn og Stirnir ætlar í kór sem er líka í sama tónlistarskóla á sama tíma. Þetta er skólinn sæti sem þeir sóttu tíma í í fyrra.
Hugi er orðinn mikill lestrarhestur, hann er hálf hissa á þessu sjálfur. Hann tekur alltaf með sér bók í skólabílinn núna og sest við lestur þegar hann kemur heim úr skólanum. Mér finnst gaman að upplifa með honum þessa ánægju að lesa.
Hérna er næsti skammtur af myndum frá sumrinu:
Villihani vappar um á ströndinni
Þessi sandur er allsstaðar
Samt gaman á ströndinni
Mæðgur á toppnum
Horft yfir ...
og Na Pali
Villtar hortensíur í blóma, þessi mynd er handa Hildi
Allt blómlegt
Nestistími í skóginum
Hugi með timeturner eins og Hermione notar í Harry Potter sögunum
Skógartúr
Fjölskyldumynd
Eyja Kjartansdóttir alltaf í góðu skapi
Hugi baðar sig í hraunlaug
og í hálfgerðum drullupolli
Sólarupprás við Aniniströndina
Ölduleikur
Eva, Stirnir og Hugi leika á Eyjuströnd
Feðgin í sjóbaði
Sólsetur séð frá Princeville
Dæmi um aðvörunaskilti á ströndum
Eyja skoðar tásur undir tré
Skrítið tré
No comments:
Post a Comment