Aðventan

Myndir frá síðustu viku þar sem Stirnir kom fram með árganginum sínum á vetrartónleikum.  Hann spilaði á tamborínu og söng og var brosmildur og sætur á sviðinu.

 

Eyja á ferð og flugi á gólfinu:

Á laugardaginn voru litlu jólin haldin fyrir íslensku börnin í borginni. Elsa og Árni buðu heim í mat og föndur. Börnin skreyttu piparkökuhús og föndruðu jólasvein, þau voru mjög einbeitt í skreytingunum:

Systurnar Lív og Björk

Örn, Ævar, Boggi og Hugi, greinilega handagangur í öskjunni.

Stirnir skreytir

Edda

Lára aðstoðaði dæturnar

Hugi leggur síðustu hönd á hús bræðranna

Stirnir litar jólasveinana

Örn litar

Kot bræðranna tilbúið

Laugardagurinn var mikill gleðidagur því Heklu og Magnúsi fæddist dóttir. Allt gekk vel og stóru bræðurnir eru hæstánægðir með litlu systur. Þeir komu heim með okkur og fengu að gista. Magnús sótti þá og þeir fengu að kíkja á barnið á laugardagskvöldið og voru eitt bros þegar þeir komu til baka. Hugi var hálfmóðgaður yfir því að mega ekki fara lika með þeim en við mæðginin heimsóttum mæðgurnar á spítalann í gær og sáum lilluna. Hún er rosalega fín og sæt.

Eyja er búin að vera lasin, fyrstu veikindin hennar. Hún hóstar og er með hor en ber sig bara nokkuð vel. Í dag var gestagangur hjá okkur, Sally dóttir Lí kom til okkar og Bea og Hafliði komu við með Ými rúmlega tveggja vikna:

Eyja og Sally

Ýmir og Bea

Hafliði

Stirnir og Kjartan kláruðu stórt púsl í gær, 1000 stykki. Stirnir er búinn að vera mjög duglegur að dunda við púslið, hann hefur verið mikill púslari frá því hann var smábarn.

Hugi vildi kaupa baseball bolta, kylfu og hanska í gær. Ég spurði hann hvort það væri ekki amerískt og hann sagði að ég vildi ekki leyfa honum að vera Íslendingur (vegna búsetunnar hér), hann vildi ekki vera kínverji svo hann ætlaði að verða ameríkani.

Njótið aðventunnar, Dalla

Lífsreglur

 

Hugi var að leggja Eyju lífsreglurnar áðan: Þegar þú verður eldri ættirðu að byrja að bora í nefið! Svo skaltu aldrei láta klippa á þér hárið.  Eyja horfði hugfangin á bróður sinn.

Hugi grípur oft í gítarinn hérna í sófanum. Hann kann þau lög sem hann er búinn að læra utanað og spilar þau þangað til hann er ánægður. Í gær samdi hann sitt fyrsta lag og kallaði það Quiet sunset. Í dag spilaði hann lagið aftur, vildi breyta því og skrifaði nóturnar upp aftur. Einn kafli finnst honum sérstaklega fallegur í laginu og bendir okkur að hlusta vel þar.

Mynd af Kjartani og Eyju sem þarf liklega ekki að hafa áhyggjur af ferðum á hárgreiðslustofu í bráð.

Dalla

Þakkir

Thanksgiving var á fimmtudaginn og í gær var okkur boðið í mat til foreldra Hadley og Emmu, þeirra Dan og Kerri. Við fengum kalkún og meðlæti, trönuberjasósu, sætar kartöflur og graskerspæ og pekanpæ í eftirrétt. Strákarnir borðuðu vel af kalkúninum, fóru margar ferðir að sækja sér meira. Hugi fékk að gista hjá þeim systrum í fyrrinótt og hann hafði brugðið sér í hlutverk fyrirsætu fyrir Hadley sem tók myndir. Þau sýndu okkur afraksturinn þar sem Hugi var klæddur í skikkju með alpahúfu og í ýmsum pósum.

Skóli bræðranna er alþjóðlegur en þakkargjörðin ameríska hefur haft áhrif á námsefnið þvi Stirnir kom heim með tvö verkefni tengd þökkum. Annað þeirra hljóðaði svona:

I am thankful for...money, dad, food, water, family, mom, animals. Ég man ekki eftir því að hann hafi áður hugsað um peninga eða haft áhuga á þeim en líklega hefur umræða síðustu vikna áhrif.

Í tölvum teiknaði Stirnir mynd af Eyju, lítil manneskja með stórar hendur og stórt bros stendur á grænu grasi og himinninn er blár. Textinn er svona: Dear EYA, Thank you for being so cute and so fun. From stirnir.

Hann er sérstaklega duglegur að leika við Eyju, les fyrir hana myndabækur og kennir henni að pússla.

Atli, Ada og Tara skiluðu sér aftur til borgarinnar í síðustu viku og komu með pakka frá ömmu C, kærkomnar bækur, föt handa Eyju og skó. Þau færðu bræðrunum líka jóladagatöl svo það var ekkert erfitt að vakna í morgun, smá súkkulaðimoli getur gert kraftaverk á mánudagsmorgni. Eyja var ekki alveg sátt við Töru. Tara var að prófa ný hljóð og var ánægð að sjá Eyju sem beygði af þegar hún horfði á Töru, ég hef bara aldrei séð svona stóra skeifu barninu.

Þarsíðustu helgi var jólagleði Íslendingafélagsins. Það eina íslenska á borðinu var reyktur lax sem Hekla lumaði á. Lára ætlaði að fá hangikjöt en það stoppaði í tollinum og náði ekki á veisluborð. En þetta var huggulegt, haldið heima hjá Önnu og Árna og mætingin var góð, um 30 manns. Við ákváðum að hafa sér fullorðinsboð þetta árið en föndra með krökkunum seinna þegar nær dregur jólum.

 

Undirrituð í jólagleði

Magnús og Hekla

Hekla og María

Elshúspartí: Einar, Árni, Sissý, Birgir, Magnús og margir fleiri

Kjartan

Stelpurnar í stofunni: Ingibjörg, Lára, Elsa og Hogga

Veturinn kominn

Hér var gestkvæmt um helgina. Hadley og Emma fengu að gista hjá okkur á föstudagskvöldið því Dan pabbi þeirra fór að sjá Federer keppa á tennismóti. Ég var í skutli seinnipartinn eins og aðra föstudaga, sótti Huga og stelpurnar í skólann og fór svo með Huga í gítartíma. Meðan Hugi spilar á gítarinn fer ég og fæ mér kaffi með Maríu því tónlistarskólinn er í sömu götu og CCP.

Lí var í matargerð hérna heima, hún gufusauð grænmeti handa Eyju og maukaði ávexti, bakaði tvær stórar pizzur handa krökkunum og bjó til dumplings handa okkur tveimur. Ég er eiginlega mest hissa hvað börnin geta borðað mikið, þegar þau voru búin með báðar pizzurnar báðu þau um brauð með osti. Þau horfðu svo á Journey to the center of the earth, strákarnir bentu stelpunum stoltir á íslenskt landslag. Stirnir og Emma lognuðust útaf fyrir framan sjónvarpið en Hugi og Hadley fóru upp að lesa eftir myndagláp.

Daginn eftir kom Dan að sækja stelpurnar og tveimur tímum síðar birtust Boggi og Örn. Þeir borða líka vel drengirnir, eftir pastaát þurfti að útbúa brauðsneiðar handa þessum kraftmiklu strákum. Þeir léku heilmikið úti enda veðrið gott. Undir kvöld komu Hekla og Magnús og við fórum út að borða með Matta og Maríu og Ingibjörgu sem er hérna í vinnuferð. Lí passaði krakkana fimm, hún  er alltaf til þegar hún er beðin.

Á sunnudaginn eru fimleikar á morgnana og eftir hádegishressingu fórum við á listasafn til að ná síðasta deginum á Shanghai bíennalnum. Feðgarnir fóru svo í sund og við Eyja fylgdumst með. Hittum svo Matta og Maríu og prófuðum nýjan stað hérna í nágrenninu.

Í gær sótti ég Stirni heim til Conor vinar hans, hann fór þangað að leika eftir skóla. Hugi hringdi og var mikið niðri fyrir þegar ég var á ferðinni. "Eyja dó næstum" sagði hann. Hún hafði þá náð í batterí og stungið því upp í sig.  Hugi sá til hennar og reif það út úr henni. Skýringin var sú að batteríið var í litakassanum og Ebba tók það og setti það í seilingarfjarlægð við Eyju. Ég er búin að segja bræðrunum margoft að nú megi ekki vera með smádót í stofunni því Eyja stingur öllu upp í sig. Enda sagði Hugi áðan þegar Eyja var að naga bókamerkið hans: Æ, það er erfitt að eiga hana Eyju!

Stirnir kemur reglulega með heiðursskjöl heim fyrir góðan árangur á stærðfræðiprófum, fær alltaf tíu. Í dag kom hann með gimsteina sem hann mátti velja úr fjársjóðskistu kennarans, hann var ekki lengi að gefa Huga annan steininn. Nú þarf ég að koma þeim á góðan geymslustað áður en Eyja fer á stjá.

Hérna er að kólna og laufin að falla af trjánum, verður nóg að gera hjá sópurum eins og Anna sagði í dag.  Við erum að undirbúa jólagleði Íslendingafélagsins næstu helgi, hangikjötið er fast í tollinum svo líklega verður það ekki á hlaðborðinu. Síldin fer heldur ekki á borðið, hún var ekki til í IKEA í gær, lentum í því sama í fyrra.  En við útbúum eitthvað góðgæti þó það verði ekki íslenskt að þessu sinni, helst að það verði lax og rúgbrauð sem kemur að heiman.

Myndasería að venju:

Útsýni til nágrannans, hann gengur greinilega í rauðum nærbuxum.

Furðuvera á bíennalnum

Eyja var í sjalinu hálfan sunnudaginn, hún er þó farin að síga töluvert í, líklega komin yfir 10 kíló.

Eyja stillir sér upp að kínverskum sið, allir kínverjar gera þetta merki fyrir myndatöku.

Sýnir hvað hún er stór

Anna og Eyja á köldum degi í götunni okkar. Síðu nærbuxurnar eru komnar upp á snúru hjá nágrönnunum, ekki seinna vænna, bara 7 gráður í morgun, brrrr.

Eyja í vetrargallanum, prjónað dress frá ömmu Röggu.

Kuldakveðja, Dalla

Tannmissir

 

Hérna urðu tíðindi í tannamálum því Stirnir missti fyrstu tönnina í vikunni. Hún var sett undir koddann og hann fékk pening frá tannálfinum og Lí kom með gjöf handa honum líka.  Eyja er níu mánaða í dag og ekkert bólar á tönn hjá henni, mér finnst gómurinn ekki vera bólginn.

Síðusta helgi var mikil vinahelgi. Hadley og Emma komu í heimsókn á laugardeginum og svo fóru bræðurnir í gistingu til Bogga og Arnar seinnipartinn. Kjartan sagði að þá gætum við bara farið út að borða, hann gleymdi að við ættum litla Eyju. En Matti og María komu yfir og við pöntuðum okkur mat og spjölluðum fram á nótt.

Í vikunni var einkunnagjöf í skólanum og foreldraviðtöl þar sem börnin voru viðstödd. Strákarnir standa sig vel í skólanum, samt ekki gott að þeir segja alltaf að það sé leiðinlegt þar, kannski er þetta bara í kjaftinum á þeim.  Stirnir er farinn að lesa á góðum hraða en hann skilur ekki alltaf það sem hann les. Kennarinn og hann settu sér það markmið að skilja betur og spyrja ef hann skilur ekki einhver orð. Hann er lika svo vandvirkur að hann er oft lengi að vinna og fær þá minni leiktíma en kennarinn ætlar að sjá til þess að hann komi með verkefnin heim og klári þar svo hann fái líka leiktíma í skólanum.  Hugi stendur vel í öllu, hann þyrfti helst að vanda sig betur við að skrifa finnst okkur foreldrunum.

Hadley kom í heimsókn í gær vegna þess að það var frí hálfan daginn í skólanum. Lí gerði pönnukökur og ostabrauð og Hadley dásamaði íslenska matinn. Hugi spilaði fyrir hana á gítarinn og hún var hrifin.

Myndasería síðustu daga:

Eyja á ferðinni í kínverskum buxum með sætan bossa

Fiona, Fredrik og Niklas í Yu garden, við borðuðum xiao long bao (eins konar dumplings) þarna í hádeginu á vinsælum veitingastað, röðin er löng. Þetta er Shanghai sérréttur og er bestur á þessum stað.

Takið eftir  háhýsinu á milli gömlu húsanna

Kvöldstemmning, Hugi prjónar, Stirnir les og felur sig undir sæng þegar myndavélin birtist og Eyja fær að hnoðast með þeim í rúminu

Andrea og Ebba að lita hjá okkur

Eyja að æfa sig á flautuna

Kíkir upp yfir borðbrún

Fyrsta tönnin dottin

Beðið eftir skólabílnum, Hugi með lestrarefni með sér, Peanuts

Allir inn að aftan. Konan er skólabílsayi, sér um að allir séu stilltir í bílnum.

Lí tekur á móti bræðrunum seinnipartinn

Maðurinn sem brýnir söxin með sína færanlegu vinnuaðstöðu fyrir utan hjá okkur. Hann er að brýna saxið okkar þarna.

Íslandsbréf

Nú eru Atli, Ada og Tara litla á leið til Íslands með viðkomu í París. Hugi fékk það verkefni í skólanum í síðustu viku að skrifa bréf til einhvers sem væri að koma á nýjan stað og hann valdi að skrifa til Ödu um Ísland.

Dear Ada

I heard you were coming to Iceland and here is everything you need to adapt with. I will tell you how to survive in the snow and how to get a house on low prize and how to get money realy fast.

To survive in the snow you have to wear the right clothes. First you have to wear mitens, boots, weather pants and a red coat cause I like red. Then you are ready to go outside in the ice cold snow but still as warm as a person in a hot tub.

To get a house on good prize you have to go east of Reikjavik. Then you keep going east then you will see a farm where you can buy a little nice house with flowers and no houses around. Then you can relax for the rest of your vacation.

The first way to get money realy fast is to sing something in Chinese cause Icelandic people think this is really fasanating. The next way is to sell Chinese dicnoarys so they can learn Chinese. The third thing teach Icelandic people Chinese history.

If you ever get these kind of problems just read this. Good bey and have a great time!!! I drew a picture to say good bey from Hugi.

Hrekkjavaka

Sætustu graskerin á leið í skólabílinn í rigningunni

Andrea sem Öskubuska

Kúreki, grasker, norn og Öskubuska bíða eftir skólabílnum

Nornin Ebba var sein fyrir þennan dag

Það sem sést af Huga fyrir lokkum

Hornösin Eyja borðar morgungrautinn eftir að graskerin yfirgáfu svæðið

Er orðin nokkuð dugleg með könnuna sína

Ég fór upp í skóla til að fylgjast með partíum í bekkjunum hjá Huga og Stirni. Tók með mér hina frægu pizzusnúða sem gengu vel út að venju.

Stirnir í frímínútum á skólalóðinni

Inni í bekknum

Mrs. Wiser bað börnin um að leika búningana sína. Stirnir lék Jack-O-Lantern með sóma.

Horft yfir skólastofuna

Stirnir og Conor, besti vinur hans voru félagar í múmíuleik

Þeir hlógu mikið félagarnir

Hadley og Hugi, alltaf saman

Hugi borðar kleinuhring í bandi, bannað að nota hendurnar!

Hadley í sama leik

Stirnir í stólaleik, var með þeim síðustu til að detta út, bara þrjú eftir.

Um kvöldið var lengjupartí, Svíar og Íslendingar ákváðu að hafa hrekkjavökupartí. Lí bakaði 2 stórar pizzur ofan í krakkana og ayi við hliðina bjó til graskerssúpu hana fullorðna fólkinu. Með pizzunni var borinn fram rauður blóðdrykkur og þar ofaní skálinni flutu tvær hendur. Blóðið var trönuberjasafi og hendurnar hanskar fylltir af vatni og frystir.

Krakkarnir fengu svo að horfa á mynd á meðan við borðuðum.  Svo fórum við í Sing star og allir sungu. Stirnir og Philip voru fínn dúett, þeir eru farnir að lesa nógu hratt, textann á skjánum.

Draugalegt

Trick and treat hjá Fredrik og Kerstin

Þarna er dularfullur karakter

Krakkarnir banka hjá Mattiasi og Elinu

Elin deilir út nammi

Mattias klæddi sig í pimpgallann, við sögðum honum að hann gæti útskýrt búninginn sjálfur fyrir krökkunum

Krakkarnir voru orðin ansi skrautleg

Philip

Stirnir fær hárgreiðslu

Krakkarnir í okkar húsi, Kjartan með nammiskálina

Fjör úti

 

Fredrik sá um skreytingar